- Dark mood 🌙
الحمدلله بعد طول انتظار في كل التحديثات اللي فاتت اخيرا نزل الوضع الليلي لجميع الاجهزه اللي نازلها التحديث
- swipe to type ⌨️
ميزة السحب للكتابه ودي هتسهل وترسع الكتابه
- النظام هيبقى اسرع بنسبة كبيره
- وكمان سرعة استجابة ال Face ID هتبقى اسرع بنسبة 30%
- حجم التطبيقات في التحديثات هيبقى اصغر بنسبة 30%
- تحديثات النظام نفسه هتبقى اصغر بنسبة 60% ( مشكلة كان كتير بيعاني منها )
- اضافة خاصية memojies لكل الموديلات مش ال X بس ... واضافة المكياج للبنوتات
- اضافات كتير في تطبيق photo وهي :
تقدر تغير زاوية الاضاءه فى ميزة العزل ( portrait ) الخاصه بالصور
وتقدر تعمل rotate للفيديو عن طريق انك تعمل edit
كمان الناس اللي بتعاني من مشكلة المساحه وعندهم صور كتير .. التطبيق بقا ممكن يطلعلك المتكرر على جمب وتمسح منه اللي انت عايزه
دلوقتي تقدر تبحث في الصور بشكل ادق عبر السنوات والشهور والاسابيع والايام كمان
- مؤشر الصوت هيبان في جمب الشاشه مش زي ما كان بيبان في النص ( كانت بتضايق بعض الناس )
- تطبيق الخرائط
دلوقتي هيتوفر في التطبيع صور حقيقه وبخاصية 360 درجة ♥️
- سرعة فتح التطبيقات اصبحت اسرع الضعف عن السابق
- دلوقتي تقدر تحمل اي برنامج مهما كان حجمه من الباقه ♥️📱
- لما نتكلم عن Apple يعني الخصوصيه 🔒
قبل كده لما كنت تدخل على اي لعبه او تطبيق كان يطلب منك تدخل بميل الفيس او الجي ميل ... دلوقتي هتقدر تسجل دخول بميل apple id بحيث ان ابل هتبعتلهم ميل وهمي وميىصلهمش اي معلومات عنك وهيبقى صح وكل حاجه وده بيبقى اكتر خصوصيه
- قبل كده كنا اتكلمنا عن ان في برامج كتير بتطلب الوصول للموقع بتاعك بشكل دائم حاجه كده زي مراقبه
انما دلوقتي بمجرد ما تسمح ليهم مره خلاص مستحيل هيوصلو لموقعك تاني
- ميزات اتضافت ل siri و air pods :
لو انت مشغول باي حاجه ووصلتك رساله تقدر تقول ل siri تقرى الرساله دي
كمان لو انت مشغل اي اغنيه ومجرد ما تلامس الموبايلين لبعض الشخص التاني يقدر يسمع اللي انت بتسمعه من air pods بتاعته
وتقدر تتواصل مع سيري من air pods وتخليها تختارلك اي محطة راديو من بين 100 الف محطه
وكمان صوت جديد لسيري 🌚
- كمان بقيت تقدر تختار شبكة الواي فاي من ال control center بدل ما تدخل ال settings
- ومن احسن المميزات بالنسبالي ان بقيت تقدر تحمل اي ملف من سفاري سواء فيلم او اغنيه .. خلاص مش محتاجين اي برامج تحميل 😎
- ودلوقتي بقا عندك اعدادات زياده في التعديل على screen shots
- تقدر توصل سماعتين air pods على ايفون واحد
- وتطبيق ال reminder حصل في ثوره كبيره هنتكلم عنه في بوست مفصل ان شاء الله
ودي الاجهزة اللي هتدعم iOS 13 باذن الله :
iPhone XS Max
iPhone XS
iPhone XR
iPhone X
iPhone 8 Plus
iPhone 8
iPhone 7 Plus
iPhone 7
iPhone 6s Plus
iPhone 6s
iPhone SE
وبكده ايفون 5S , 6 , 6 plus بره الموضوع
واخيرا الابديت نزل للمطورين بس وهينزل بيتا شهر ٧ وهيبقى متاح للكل شهر ٩ بإذن الله
#iOS13
#WWDC19
ليست هناك تعليقات:
إرسال تعليق